میٹا جعلی اشتہارات اور ممنوعہ مصنوعات سے خطیر منافع کمانے میں ملوث‘ اندرونی دستاویزات کا انکشاف

عالمی سوشل میڈیا کمپنی میٹا (Meta) پر الزام ہے کہ وہ جعلی اشتہارات اور ممنوعہ مصنوعات کی تشہیر کے ذریعے بھاری منافع کما رہی ہے۔

رائٹرز کو موصول ہونے والی اندرونی دستاویزات کے مطابق، کمپنی نے اندازہ لگایا تھا کہ 2024 میں کل آمدنی کا 10 فیصد ایسے اشتہارات سے حاصل ہوگا جو فراڈ، دھوکا دہی یا غیر قانونی اشیا سے متعلق ہیں۔

رپورٹ کے مطابق میٹا کے پلیٹ فارمز پر روزانہ تقریباً 15 ارب جعلی یا فراڈ اشتہارات صارفین کو دکھائے جاتے ہیں۔

دلچسپ بات یہ ہے کہ مشتبہ اشتہاری اکاؤنٹس کے خلاف کارروائی کرنے کے بجائے، کمپنی نے ان سے زیادہ ریٹ پر فیس وصول کی۔

دستاویزات میں یہ بھی بتایا گیا ہے کہ میٹا نے اندرونی طور پر “Scammiest Scammers” کے عنوان سے رپورٹس تیار کیں، جن میں سب سے زیادہ فراڈ کرنے والے اشتہاریوں کی نشاندہی کی گئی۔