ہیڈ کوچ طاہر زمان نے بنگلہ دیش دورے سے انکار کر دیا، کھلاڑیوں کے انتخاب پر پی ایچ ایف سے اختلافات کا سبب

پاکستان ہاکی ٹیم کے ہیڈ کوچ طاہر زمان نے ٹیم کے ہمراہ بنگلہ دیش جانے سے انکار کر دیا ہے۔

 ذرائع کے مطابق طاہر زمان نے کھلاڑیوں کے انتخاب اور دیگر اختلافات کے باعث مزید ذمہ داریاں سنبھالنے سے گریز کرنے کا فیصلہ کیا ہے اور استعفیٰ کے حوالے سے قریبی افراد سے مشاورت بھی کی ہے۔

اطلاعات کے مطابق طاہر زمان کے دو منتخب کھلاڑیوں کے کیمپ میں دیر سے شامل ہونے پر پاکستان ہاکی فیڈریشن (پی ایچ ایف) کے ساتھ اختلافات پیدا ہوئے۔

 یہ اختلافات برقرار رہنے پر طاہر زمان نے اپنی ذمہ داری سے دستبرداری کا فیصلہ کیا۔

متوقع ہے کہ پرو لیگ سے قبل پی ایچ ایف غیر ملکی کوچ کی خدمات حاصل کرنے کی کوشش کرے گی۔ 

ذرائع کے مطابق طاہر زمان بنگلہ دیش دورے اور سپین کے سفر میں بھی ٹیم کے ساتھ دستیاب نہیں ہوں گے۔ وہ اپنی بیٹی کی شادی اور پی ایچ ایف کے ساتھ اختلافات کی وجہ سے ٹیم کی ذمہ داریوں سے وقتی طور پر بریک لے رہے ہیں۔