مسلم لیگ ق کی 27ویں آئینی ترمیم کی حمایت، حکومت کے ساتھ تعاون کا اعلان

مسلم لیگ ق نے 27ویں آئینی ترمیم کی حمایت کرتے ہوئے قومی مفاہمت کے لیے حکومت کے ساتھ تعاون کرنے کا اعلان کیا ہے۔

 سینئر نائب صدر چوہدری سالک حسین کی صدارت میں اعلیٰ سطحی مشاورتی اجلاس میں پارلیمانی پارٹی کو وزیراعظم سے ملاقات کے حوالے سے اعتماد میں لیا گیا۔

اجلاس میں طارق حسن، ڈاکٹر امجد، مصطفیٰ ملک، فرخ خان اور دیگر مرکزی رہنما بھی شریک تھے۔

واضح رہے کہ وفاقی کابینہ نے 27ویں آئینی ترمیم کی منظوری دے دی ہے اور اب اسے سینیٹ میں پیش کیا جائے گا۔ 

وزیراعظم شہباز شریف، جو اس وقت آذربائیجان میں موجود ہیں، نے ویڈیو لنک کے ذریعے کابینہ اجلاس کی صدارت کی۔

 اجلاس میں وزیر دفاع خواجہ آصف، مصدق ملک، رانا ثنا اللّٰہ، ریاض حسین پیرزادہ، عون چوہدری، شزرہ منصب اور قیصر احمد شیخ بھی شریک ہوئے جبکہ وزیر قانون اور اٹارنی جنرل منصور عثمان اعوان نے بھی شرکت کی۔