سینیٹر افنان اللہ کا سہیل آفریدی پر تنقیدی تبصرہ، 27ویں آئینی ترمیم کی اہمیت پر زور

سینیٹر افنان اللہ نے کہا ہے کہ سہیل آفریدی کے بغیر الزامات لگانا قابل افسوس ہے۔ نجی ٹی وی پروگرام میں انہوں نے بتایا کہ سہیل آفریدی نے اخلاقیات کی حدیں عبور کرتے ہوئے بیان دیا اور ان کے دعووں کے پیچھے کوئی مضبوط ثبوت موجود نہیں۔

 انہوں نے مزید کہا کہ "بانی سے محبت ضروری ہے، لیکن ملک سے محبت بھی اتنی ہی اہم ہے، خاص طور پر جب آپ کے لیڈر کرپشن کے مقدمے کا سامنا کر رہے ہوں۔"

سینیٹر نے یہ بھی واضح کیا کہ 27ویں آئینی ترمیم کے لیے قانون و انصاف کی مشترکہ کمیٹی تشکیل دی گئی تھی، جس میں آئینی عدالت کے قیام، آرٹیکل 243 اور ججز کے تبادلے سے متعلق ترامیم شامل ہیں۔ 

فنان اللہ نے کہا کہ آئین حکومت چلانے کے اصول وضع کرتا ہے اور اس میں بہتری براہِ راست عوام تک مثبت اثرات پہنچائے گی۔ انہوں نے مزید کہا کہ اگر اکثریت موجود ہو تو آئین میں ترامیم لانے میں کوئی حرج نہیں۔