سینیٹر عرفان صدیقی کی نمازِ جنازہ اسلام آباد میں ادا، سیاسی و ادبی حلقے سوگوار

news-banner

پاکستان - 11 نومبر 2025

مسلم لیگ ن کے سینئر رہنما و سینیٹر عرفان صدیقی کی نمازِ جنازہ اسلام آباد کے ایچ-11 قبرستان میں ادا کی گئی۔

 

نمازِ جنازہ میں اہلِ خانہ، قریبی عزیز، معززین علاقہ، سیاسی و سماجی شخصیات اور میڈیا نمائندگان بڑی تعداد میں شریک ہوئے۔ 

 

سینیٹر کے بیٹے عمران صدیقی، نعمان صدیقی اور بھائی شاہد صدیقی بھی نمازِ جنازہ میں موجود تھے، جبکہ وفاقی وزراء اعظم نذیر تارڑ اور چوہدری سالک حسین نے بھی شرکت کی۔

 

سیاسی رہنما ناصر بٹ، سلیم مانڈوی والا اور دیگر شخصیات نے بھی شرکت کرتے ہوئے مرحوم کی خدمات کو خراجِ عقیدت پیش کیا۔

 

 شرکاء نے عرفان صدیقی کی سیاسی، علمی اور صحافتی خدمات کی تعریف کی اور ان کی رحلت پر سیاسی و ادبی حلقے غمزدہ ہیں۔