کالعدم عوامی ایکشن کمیٹی کے رکن سید فیصل گیلانی کا تحریک سے مکمل لاتعلقی کا اعلان

کالعدم جوائنٹ عوامی ایکشن کمیٹی کے رکن سید فیصل گیلانی نے تنظیم سے مکمل لاتعلقی کا اعلان کرتے ہوئے موجودہ صورتحال اور پرتشدد کارروائیوں کی مذمت کی ہے۔

راولاکوٹ میں پیش آنے والے واقعات پر ردعمل دیتے ہوئے سید فیصل گیلانی نے اپنے ویڈیو بیان میں کہا کہ وہ ابتدا سے ہی عوامی ایکشن کمیٹی کے ساتھ سرگرم کردار ادا کرتے رہے ہیں، کیونکہ ان کا مقصد آٹے، بجلی اور دیگر بنیادی عوامی حقوق کا حصول تھا، جن میں سے کچھ مطالبات تسلیم بھی کیے گئے۔

انہوں نے کہا کہ موجودہ حالات میں راولاکوٹ میں جو صورتحال پیدا ہو چکی ہے وہ قابلِ تشویش ہے اور وہاں “خون کی ہولی” کھیلی جا رہی ہے۔ ان کے مطابق تنظیم کی حالیہ کارروائیوں کو دیکھتے ہوئے وہ اس تحریک سے مکمل لاتعلقی کا اعلان کرتے ہیں۔