غزہ جنگ نے اسرائیلی معاشرے کو جھنجھوڑ دیا: شہریوں اور فوجیوں میں ذہنی امراض میں تشویشناک اضافہ

اسرائیلی میڈیا کے مطابق غزہ پر جاری دو سالہ جنگ نے اسرائیلی معاشرے کو شدید نفسیاتی دباؤ میں مبتلا کردیا ہے اور عام شہریوں کے ساتھ فوجیوں میں بھی ذہنی بیماریوں میں نمایاں اضافہ دیکھا جارہا ہے۔

اسرائیلی اخبار یدوتھ اہرونوتھ کی رپورٹ کے مطابق جنگ کے طویل دورانیے نے لوگوں کے ذہنی مسائل اتنے بڑھا دیے ہیں کہ موجودہ وسائل سے ان کا علاج ممکن نہیں رہا۔

اسرائیلی ماہرِ نفسیات پروفیسر روتھ کے مطابق 2018ء میں ہر 10 میں سے 1 شخص ذہنی دباؤ کا شکار تھا، لیکن غزہ جنگ کے حالات نے اس تعداد میں خطرناک اضافہ کردیا ہے۔

رپورٹ کے مطابق جنگ نے اسرائیلی فوج کو بھی بری طرح متاثر کیا ہے، اور خودکشیوں کے واقعات بڑھ گئے ہیں۔

 اکتوبر 2023ء سے اکتوبر 2025ء کے دوران 36 اسرائیلی فوجیوں نے خودکشی کرکے اپنی جان لے لی، جو صورتحال کی سنگینی کو ظاہر کرتا ہے۔