لندن یونیورسٹی کی تحقیق: آئندہ 40-50 سال میں سردیوں کا عرصہ صرف ڈیڑھ سے دو ماہ رہ سکتا ہے

لندن یونیورسٹی سے وابستہ ماہرینِ موسمیات کی تحقیق کے مطابق اگلے 40 سے 50 سال میں دنیا کے بیشتر ممالک میں سردیوں کا دورانیہ صرف ڈیڑھ سے دو ماہ رہ جائے گا۔

تحقیق کے مطابق زمین کی مجموعی درجہ حرارت میں اضافہ قطب شمالی اور جنوبی علاقوں میں چار گنا زیادہ تیز رفتاری سے ہو رہا ہے، جس کی وجہ سے استوائی خط کے اوپر چلنے والی قطبی سرد ہوائیں اپنی طاقت کھو رہی ہیں، جو پاکستان اور دیگر کئی ممالک میں سردی کا سبب بنتی ہیں۔

اس کے نتیجے میں دنیا کے مختلف حصوں میں گرمیوں کا دورانیہ بڑھ جائے گا اور سردیوں کا عرصہ گھٹ جائے گا۔ مستقبل میں موسم گرما سات سے آٹھ ماہ تک جاری رہ سکتا ہے۔

ماہرین کا کہنا ہے کہ موسموں میں یہ تبدیلیاں خوراک کے نظام پر سب سے زیادہ اثر ڈالیں گی، چاہے وہ مثبت ہو یا منفی۔