9 مئی کلب چوک حملہ کیس: شاہ محمود قریشی بری، یاسمین راشد سمیت 4 رہنماؤں کو 10، 10 سال قید

news-banner

پاکستان - 19 دسمبر 2025

انسدادِ دہشتگردی عدالت لاہور نے 9 مئی کو کلب چوک، جی او آر کے گیٹ پر حملے سے متعلق مقدمے کا فیصلہ سنا دیا۔

 

 عدالت نے پی ٹی آئی کے سینئر رہنما شاہ محمود قریشی کو الزامات سے بری کر دیا، جبکہ ڈاکٹر یاسمین راشد، میاں محمود الرشید، اعجاز چوہدری اور عمر سرفراز چیمہ کو 10، 10 سال قید کی سزا سنا دی گئی۔

 

اے ٹی سی کے جج منظر علی گل نے کوٹ لکھپت جیل میں مقدمے کا فیصلہ سنایا۔ ٹرائل کے دوران 21 ملزمان کے حتمی بیانات قلمبند کیے گئے جبکہ استغاثہ نے 56 گواہان پیش کیے۔

 

 عدالتی کارروائی کے دوران 4 ملزمان کو اشتہاری بھی قرار دیا گیا تھا۔