خاتون اوّل آصفہ بھٹو زرداری نے بختاور کیڈٹ کالج کی پاسنگ آؤٹ پریڈ میں شرکت کی

news-banner

پاکستان - 19 دسمبر 2025

خاتون اوّل بی بی آصفہ بھٹو زرداری نے بختاور کیڈٹ کالج برائے طالبات میں پانچویں پاسنگ آؤٹ پریڈ میں شرکت کی اور نئے جمنازیم اور سوئمنگ پول کا افتتاح کیا۔

 

 تقریب سے خطاب میں انہوں نے کہا کہ بختاور کیڈٹ کالج بچیوں کو تعلیم، نظم و ضبط اور قیادت کے ذریعے بااختیار بنا رہا ہے۔

 

آصفہ بھٹو نے طلباء کو نظم و ضبط، احترام اور استقامت اپنانے کی تلقین کی اور باضابطہ طور پر “آرٹ اینڈ سائنس ایگزیبیشن 2025-26” کا افتتاح کیا۔ 

 

مارچ پاسٹ، پی ٹی، جمناسٹک اور کراٹے شو نے تقریب کو چار چاند لگا دیے۔ آخر میں خاتون اوّل نے کیڈٹس میں کالج کریسٹ اور انعامات تقسیم کیے۔