بگ بیش لیگ: برسبین ہیٹ نے پرتھ سکارچرز کو 8 وکٹ سے شکست دے کر ریکارڈز قائم کر دیے

آسٹریلیا کی بگ بیش لیگ میں برسبین ہیٹ اور پرتھ سکارچرز کے میچ نے کرکٹ کے شائقین کے لیے کئی نئے ریکارڈز جنم دیے۔

پرتھ سکارچرز نے پہلے بیٹنگ کرتے ہوئے 20 اوورز میں 6 وکٹوں کے نقصان پر 257 رنز بنائے، جس میں فن ایلن نے 79 اور کوپر کونولی نے 77 رنز کی شاندار اننگز کھیلیں۔

 تاہم، برسبین ہیٹ نے 258 رنز کا ہدف آخری اوور کی پانچویں گیند پر صرف 2 وکٹوں کے نقصان پر حاصل کر کے 8 وکٹ سے شاندار فتح حاصل کی۔

یہ بگ بیش لیگ کی تاریخ میں سب سے بڑا ہدف ہے، جبکہ ٹی 20 کرکٹ میں مجموعی طور پر تیسرا بڑا ہدف بھی قرار دیا گیا ہے۔ جیک ولڈر متھ 110 اور میٹ رنشا 102 رنز کے ساتھ ناقابل شکست رہے۔

میچ میں پہلی بار ایک اننگز میں دو سنچریاں بنیں، دونوں کھلاڑیوں نے بگ بیش لیگ کی تاریخ میں سب سے بڑی 212 رنز کی شراکت قائم کی۔ 

اس کے علاوہ میچ میں سب سے زیادہ چھکوں کا ریکارڈ بھی ٹوٹا، مجموعی طور پر 515 رنز بنے اور 36 چھکے لگے، جو کہ بگ بیش لیگ میں ایک میچ میں سب سے زیادہ ہیں۔