پاکستان کی آئی ٹی برآمدات میں تاریخی اضافہ، ملک ڈیجیٹل پاور کے طور پر ابھرنے لگا

ایس آئی ایف سی کی مؤثر پالیسیوں کے نتیجے میں پاکستان کی آئی ٹی برآمدات میں تیزی سے اضافہ دیکھنے کو ملا ہے، جس نے ملک کو خطے میں ابھرتی ہوئی ڈیجیٹل پاور کے طور پر نمایاں کر دیا ہے۔

رواں مالی سال کے صرف پہلے پانچ ماہ میں آئی ٹی برآمدات میں 19 فیصد اضافہ ریکارڈ کیا گیا ہے، جس سے جولائی تا نومبر 2025 کے دوران مجموعی حجم 1.8 ارب ڈالر تک پہنچ گیا۔ اسٹیٹ بینک آف پاکستان کے مطابق نومبر 2025 میں صرف ایک ماہ میں آئی ٹی برآمدات کا حجم 356 ملین ڈالر ریکارڈ کیا گیا۔

پاکستان کی ٹیکنالوجی انڈسٹری عالمی منڈیوں میں ملک کی مثبت اور معتبر شناخت کو مستحکم کرنے کے لیے مسلسل کام کر رہی ہے۔

 آئی ٹی برآمدات میں اضافہ نہ صرف قیمتی زرمبادلہ فراہم کرتا ہے بلکہ روزگار کے مواقع اور ڈیجیٹل خودمختاری میں بھی اہم کردار ادا کرتا ہے۔ 

ایس آئی ایف سی کی معاونت سے سیکٹر میں تیز رفتار ترقی، معاشی استحکام اور عالمی سرمایہ کاروں کا اعتماد مزید مضبوط ہوا ہے۔