آسٹریلیا کی انگلینڈ کے خلاف شاندار فتح، ایشز سیریز 0-3 سے جیت لی

آسٹریلیا نے تیسرے ٹیسٹ میچ میں انگلینڈ کو 82 رنز سے شکست دے کر ایشز سیریز اپنے نام کر لی۔

 ایڈیلیڈ میں کھیلے گئے میچ میں 435 رنز کے بڑے ہدف کے تعاقب میں انگلینڈ کی ٹیم دوسری اننگز میں 352 رنز بنا کر ڈھیر ہو گئی۔

انگلینڈ کی جانب سے زیک کرالی نے 85، جیمی اسمتھ نے 60 جبکہ وِل جیکس نے 47 رنز کی مزاحمتی اننگز کھیلی، تاہم آسٹریلوی بولرز کے سامنے ٹیم زیادہ دیر نہ ٹھہر سکی۔

 مچل اسٹارک، پیٹ کمنز اور نیتھن لیون نے شاندار بولنگ کرتے ہوئے تین تین وکٹیں حاصل کیں۔

آسٹریلیا نے پہلی اننگز میں 371 اور دوسری اننگز میں 349 رنز اسکور کیے، جبکہ انگلینڈ پہلی اننگز میں 286 رنز تک محدود رہی۔ 

اس فتح کے ساتھ ہی آسٹریلیا نے پانچ ٹیسٹ میچوں کی سیریز میں 0-3 کی فیصلہ کن برتری حاصل کر لی ہے۔ سیریز کا چوتھا ٹیسٹ 26 دسمبر کو میلبورن میں کھیلا جائے گا۔