برائیڈل کاؤچر ویک کے بعد جنت مرزا نے ریمپ واک کی مشکلات پر وضاحت دی

سوشل میڈیا اسٹار جنت مرزا نے برائیڈل کاؤچر ویک میں اپنی ریمپ واک پر ہونے والی شدید تنقید کے بعد خاموشی توڑ دی ہے۔

اپنی وضاحتی ویڈیو میں جنت مرزا نے بتایا کہ ریمپ واک ان کے لیے توقع سے کہیں زیادہ مشکل ثابت ہوئی، خاص طور پر ان کے بھاری لباس کی وجہ سے۔

 انہوں نے مزید کہا کہ ایک ذاتی وجہ بھی تھی جس کی وجہ سے وہ ذہنی دباؤ کا شکار تھیں، تاہم اس بارے میں تفصیل نہیں بتائی۔

جنت مرزا کے مطابق شو کے دوران کئی چیزیں ریہرسل کے مطابق نہیں ہوئیں، اور لائٹنگ اور انتظامات بھی وہ نہیں تھے جیسا کہ انہیں بتایا گیا تھا، جس سے وہ کنفیوز ہو گئیں۔ تاہم انہوں نے کہا کہ مجموعی طور پر یہ تجربہ ان کے لیے نیا اور سیکھنے والا رہا۔

سوشل میڈیا پر یہ وضاحتی ویڈیو وائرل ہو گئی ہے، جہاں صارفین کی جانب سے ملا جلا ردعمل سامنے آ رہا ہے؛ کچھ نے ان کی حوصلہ افزائی کی، جبکہ بعض اب بھی ریمپ واک کے معیار پر سوالات اٹھا رہے ہیں۔