کھلاڑی سے مینٹور تک، بھارت کے خلاف فائنلز میں سرفراز احمد کی فتح گاتھا برقرار

سرفراز احمد نے بطور کھلاڑی ہی نہیں بلکہ اب بطور مینٹور اور منیجر بھی اپنی قائدانہ صلاحیتوں کا لوہا منوا لیا ہے۔

 بھارت کے خلاف اہم کرکٹ فائنلز میں ان کا شاندار ریکارڈ ایک بار پھر نمایاں ہو کر سامنے آیا ہے۔

سرفراز احمد کی قیادت میں پاکستان نے 2006 میں انڈر 19 ورلڈ کپ کے فائنل میں بھارت کو شکست دی تھی، جبکہ 2017 میں چیمپئنز ٹرافی کے تاریخی فائنل میں بھی پاکستان نے انہی کی کپتانی میں بھارت کو ہرایا۔

اب بطور مینٹور اور منیجر، سرفراز احمد کی رہنمائی میں پاکستان انڈر 19 ٹیم نے ایشیا کپ انڈر 19 کے فائنل میں بھارت کو شکست دے کر ایک اور بڑی کامیابی اپنے نام کر لی ہے، یوں بھارت کے خلاف فائنلز میں سرفراز احمد کا کامیابیوں بھرا سفر بدستور جاری ہے۔