عمران خان کی تازہ ہدایات، محمود خان اچکزئی کی مذاکراتی اپیل کو رد، پی ٹی آئی احتجاجی تحریک پر پابند

اسلام آباد: عمران خان نے اپنے سماجی رابطوں کے پلیٹ فارم ’’ایکس‘‘ پر جاری بیان میں واضح کیا ہے کہ پی ٹی آئی کی احتجاجی تحریک سے متعلق تمام فیصلے ان کی ہدایات کے مطابق ہوں گے، جس سے محمود خان اچکزئی کی مذاکرات کی اپیل عملاً مسترد ہو گئی۔

پی ٹی آئی کے سیکرٹری اطلاعات شیخ وقاص اکرم نے بتایا کہ پارٹی قائد کی ہدایات ہی حتمی ہیں، اور احتجاجی تحریک کی تیاری قانون کی حکمرانی اور آئین کی بالادستی کے لیے کی جائے گی۔ 

انہوں نے کہا کہ اچکزئی اپنی سیاسی سرگرمیاں جاری رکھ سکتے ہیں، مگر پارٹی عمران خان کی ہدایات پر عمل کرے گی۔

دوسری جانب وزیراعظم شہباز شریف کے قریبی ذرائع کا کہنا ہے کہ 9 مئی کے واقعات اور فوج مخالف سوشل میڈیا مہم کے بغیر پی ٹی آئی کے ساتھ بامعنی مذاکرات ممکن نہیں ہیں۔

 ذرائع کے مطابق حکومت کا موقف ہے کہ اظہار ندامت یا معذرت کے بغیر کوئی مذاکرات نہیں ہو سکتے، کیونکہ فوجی تنصیبات پر حملے اور شہداء کے تمسخر کے اقدامات سامنے آئے ہیں۔