ایران: اسرائیل کی ممکنہ جارحیت کا خدشہ، دفاع کی مکمل تیاری برقرار

ایران کے وزیر خارجہ عباس عراقچی نے کہا ہے کہ اسرائیل کی جانب سے ایران پر ممکنہ حملے کو مکمل طور پر مسترد نہیں کیا جا سکتا۔

 روسی میڈیا کو دیے گئے انٹرویو میں انہوں نے وضاحت کی کہ ایران جنگ کا خیرمقدم نہیں کرتا، لیکن اگر کوئی جارحیت کی گئی تو ایران بھرپور دفاع کے لیے تیار ہے۔

عراقچی نے کہا کہ جنگ سے بچاؤ کا بہترین طریقہ یہی ہے کہ ہر ممکن تیاری کی جائے اور ماضی کی ناکام جارحیت کے تجربات دہرائے نہ جائیں۔

دوسری جانب امریکی میڈیا کے مطابق اسرائیل کو شبہ ہے کہ ایران بیلسٹک میزائل پروگرام تیار کر رہا ہے اور وہ امریکا کے ساتھ مشاورت کے بعد ممکنہ حملے کے اقدامات پر غور کر سکتا ہے۔

 اسرائیلی وزیراعظم نیتن یاہو آئندہ ماہ امریکی صدر ڈونلڈ ٹرمپ سے ملاقات میں ایران پر حملے کے امکان پر بات کر سکتے ہیں۔