لاہور: ڈرامہ نویس خلیل الرحمان قمر کی نامناسب ویڈیو کیس میں آمنہ عروج کی ضمانت خارج

news-banner

انٹرٹینمنٹ - 22 دسمبر 2025

لاہور کی ضلعی کچہری میں معروف ڈرامہ نویس خلیل الرحمان قمر کی نامناسب ویڈیو وائرل کرنے کے مقدمے میں ملزمہ آمنہ عروج کی درخواست ضمانت مسترد کر دی گئی۔

 

سماعت کے دوران وکیل ملزمہ نے دلائل دیے کہ مقدمہ ایک سال تین ماہ کی تاخیر سے درج کیا گیا اور آمنہ عروج کا اس کیس میں کوئی کردار نہیں ہے۔

 

 تاہم پراسیکیوٹر نے عدالت کو بتایا کہ ملزمہ نے ویڈیو بنوانے اور وائرل کرنے میں اہم کردار ادا کیا، اور شریک ملزمان صرف سہولت کاری کے طور پر شامل کیے گئے تھے۔

 

عدالت نے مقدمے کی سنگینی کو مدنظر رکھتے ہوئے ضمانت کی درخواست خارج کر دی۔

 

 یہ مقدمہ این سی سی آئی اے (نیشنل کرائم سیل) کی جانب سے درج کیا گیا ہے۔