پاکستان میں ورچوئل ایسٹس ریگولیشن: بین الاقوامی کرپٹو لیڈرز کی توجہ پاکستان پر مرکوز

پاکستان کے تاریخی اقدام، ورچوئل ایسٹس ریگولیٹری اتھارٹی کے قیام کے بعد، بین الاقوامی ڈیجیٹل مارکیٹ کی توجہ ملک پر مرکوز ہو گئی ہے۔ 

پاکستان کی جانب سے کیپٹل مارکیٹس کو مضبوط بنانے کے لیے فوری اور متحرک اقدامات کیے جا رہے ہیں۔

پاکستان ورچوئل ایسٹس ریگولیٹری اتھارٹی کے چیئرمین بلال بن ثاقب کی اہم ملاقاتیں سابق بائننس سی ای او چانگ پینگ ژاؤ اور بلاک چین پلیٹ فارم ٹرون کے بانی جسٹن سن سے ہوئی۔

چانگ پینگ ژاؤ نے کہا کہ پاکستان نے کرپٹو ریگولیشن میں تیزی سے پیش رفت کی ہے اور نوجوان طبقے کے لیے منظم اور محفوظ کرپٹو استعمال کے مواقع فراہم کیے ہیں۔

 پاکستان کا نوجوان طبقہ پیشہ ورانہ صلاحیت، جدت اور نئی ٹیکنالوجیز اپنانے میں ماہر ہے، اور پاکستان دنیا کے تین بڑے کرپٹو صارفین رکھنے والے ممالک میں شامل ہے۔

چانگ پینگ ژاؤ نے مزید کہا کہ پاکستان کی سٹاک مارکیٹ کو ٹوکنائز کرنے سے عالمی سرمایہ کاری میں اضافہ اور ملکی معیشت مستحکم ہوگی۔

 جسٹن سن نے کہا کہ کرپٹو کی بدولت ہر شہری کو آسان اور مساوی مالی رسائی حاصل ہو سکے گی اور ملک کے مالی نظام کو جدید، شفاف اور مضبوط بنایا جا رہا ہے۔

یہ ملاقاتیں پاکستان میں ابھرتے ہوئے ڈیجیٹل اثاثہ جات کے فریم ورک پر عالمی توجہ اور اعتماد کو ظاہر کرتی ہیں، جس سے غیر ملکی سرمایہ کاری، ریمیٹنس اور مالیاتی ذخائر میں خاطر خواہ اضافہ ممکن ہے۔