سٹاک مارکیٹ میں تیزی برقرار، ڈالر کی قدر میں مزید کمی

پاکستان اسٹاک ایکسچینج میں تیزی کا رجحان بدستور جاری ہے جبکہ کرنسی مارکیٹ میں امریکی ڈالر کی قدر میں بھی کمی دیکھنے میں آئی ہے۔

کاروباری ہفتے کے پہلے روز اسٹاک مارکیٹ میں ابتدا میں مندی دیکھی گئی، تاہم کچھ ہی دیر بعد مارکیٹ نے مثبت رخ اختیار کر لیا۔

 100 انڈیکس 29 پوائنٹس کے اضافے کے ساتھ ایک لاکھ 71 ہزار 443 پوائنٹس کی سطح پر ٹریڈ کرتا رہا۔

گزشتہ ہفتے بھی مارکیٹ میں مسلسل مثبت رجحان رہا تھا جس کے باعث انڈیکس ملکی تاریخ کی بلند ترین سطح تک پہنچ گیا تھا، سرمایہ کاروں کے اعتماد میں واضح اضافہ دیکھا جا رہا ہے۔

دوسری جانب انٹربینک مارکیٹ میں ڈالر کی قدر میں کمی کا سلسلہ جاری ہے۔ ایکسچینج کمپنیز ایسوسی ایشن کے مطابق 5 پیسے کمی کے بعد ڈالر 280 روپے 20 پیسے پر آ گیا ہے۔