نائب وزیراعظم اسحاق ڈار نے وزارتِ خارجہ کی قونصلر سروسز کا جائزہ لیا

news-banner

پاکستان - 22 دسمبر 2025


نائب وزیراعظم و وزیر خارجہ سینیٹر اسحاق ڈار نے وزارتِ خارجہ کی جانب سے فراہم کی جانے والی قونصلر سروسز کے جائزے کے لیے ایک اجلاس کی صدارت کی۔

 

 اجلاس میں وزارت کے قونصلر امور کی ٹیم نے بریفنگ دیتے ہوئے تصدیق اور اپوسٹیل سروسز کی اہم خصوصیات اور ہموار طریقہ کار سے آگاہ کیا۔

 

سینیٹر اسحاق ڈار نے ٹیم کی جانب سے کیے گئے اقدامات کا جائزہ لیتے ہوئے شفاف اور مؤثر تصدیقی عمل کو وزارت کے مشن کی بنیاد قرار دیا۔

 

 انہوں نے ہدایت کی کہ عوام کو کم لاگت اور بروقت سہولیات فراہم کرنے کے لیے کوششیں جاری رکھی جائیں۔ اجلاس میں وزیراعظم کے معاون خصوصی طارق باجوہ اور وزارتِ خارجہ کے سینیئر حکام بھی شریک تھے۔