امریکا کا وینزویلا پر دباؤ تیز، مدورو کو اقتدار چھوڑنے کا انتباہ

امریکی وزیر برائے ہوم لینڈ سیکیورٹی کرسٹی نوئم نے کہا ہے کہ وینزویلا کے صدر نکولس مدورو اب زیادہ عرصہ اقتدار میں نہیں رہ سکیں گے۔

 غیر ملکی میڈیا کے مطابق کرسٹی نوئم کا کہنا ہے کہ واشنگٹن مدورو حکومت کی مبینہ غیرقانونی سرگرمیوں کو مزید برداشت نہیں کرے گا۔

انہوں نے واضح کیا کہ وینزویلا کے قریب تیل بردار دو جہازوں کو روکنا اس بات کا ثبوت ہے کہ امریکا مدورو حکومت کے اقدامات کے خلاف عملی کارروائی کر رہا ہے اور اسے جاری نہیں رہنے دے گا۔

دوسری جانب روس نے امریکی اقدامات پر شدید تحفظات کا اظہار کرتے ہوئے وینزویلا کی مکمل حمایت کا اعلان کیا ہے۔

 روسی وزیر خارجہ سرگئی لاروف نے کہا کہ روس وینزویلا کی خودمختاری کی حمایت جاری رکھے گا اور اسے ہر ممکن تعاون فراہم کیا جائے گا۔