نیتن یاہو کی ایران کو سخت دھمکی، کسی بھی کارروائی کا بھرپور جواب دینے کا اعلان

اسرائیلی وزیراعظم بنیامین نیتن یاہو نے ایران کو خبردار کرتے ہوئے کہا ہے کہ ایران کی جاری جنگی مشقوں پر گہری نظر رکھی جا رہی ہے اور کسی بھی ممکنہ اقدام کا سخت اور فوری جواب دیا جائے گا۔

 نیتن یاہو کے مطابق اسرائیل اپنی سلامتی پر کسی قسم کا سمجھوتہ نہیں کرے گا۔

انہوں نے مزید کہا کہ ایران کی جوہری سرگرمیوں کے معاملے پر امریکی صدر ڈونلڈ ٹرمپ سے تفصیلی بات چیت کی جائے گی۔

دوسری جانب ایرانی وزارت خارجہ کے ترجمان نے واضح موقف اختیار کرتے ہوئے کہا ہے کہ ایران کا میزائل پروگرام مکمل طور پر دفاعی نوعیت کا ہے اور اس پر کسی قسم کے مذاکرات یا سمجھوتے کا سوال ہی پیدا نہیں ہوتا۔

 ترجمان کا کہنا تھا کہ ایران کی مسلح افواج ملکی دفاع کے لیے ہر وقت مکمل طور پر تیار ہیں۔