ایشیز باکسنگ ڈے ٹیسٹ: پیٹ کمنز آرام، سٹیو سمتھ ٹیم کی قیادت کریں گے

میلبرن: کرکٹ آسٹریلیا نے 26 دسمبر سے شروع ہونے والے باکسنگ ڈے ٹیسٹ کے لیے اسکواڈ کا اعلان کر دیا ہے۔

 کپتان پیٹ کمنز کو ورک لوڈ مینجمنٹ کے تحت آرام دیا گیا ہے۔

باکسنگ ڈے ٹیسٹ میں ٹیم کی قیادت سٹیو سمتھ کریں گے، جبکہ جے رچرڈسن کو بھی اسکواڈ میں شامل کیا گیا ہے۔

 نیتھن لائن ہیمسٹرنگ انجری کے باعث اسکواڈ کا حصہ نہیں ہیں، جبکہ ٹوڈ مرفی کو ٹیم میں شامل کیا گیا ہے۔

کرکٹ آسٹریلیا نے بتایا کہ نیتھن لائن کی سرجری متوقع ہے اور وہ طویل عرصے تک کرکٹ سے دور رہیں گے۔

آسٹریلوی اسکواڈ میں شامل دیگر کھلاڑیوں میں سکاٹ بولینڈ، ایلیکس کیری، برینڈن ڈوگیٹ، کیمرون گرین، ٹریوس ہیڈ، جوش انگلس، عثمان خواجہ، مارنوس لبوشین، مائیکل نیسر، مچل سٹارک، جیک ویدرالٹ اور بیو ویبسٹر شامل ہیں۔

یاد رہے کہ پانچ ٹیسٹ میچز کی سیریز میں آسٹریلیا کو پاکستان پر 3-0 کی فیصلہ کن برتری حاصل ہے۔