ملکہ ترنم نور جہاں: 25 برس بعد بھی مداحوں کے دلوں میں زندہ

دنیائے موسیقی کی لاجواب گلوکارہ ملکہ ترنم نور جہاں کو مداحوں سے بچھڑے ہوئے 25 برس مکمل ہو گئے ہیں۔

نور جہاں 21 ستمبر 1926ء کو قصور کے موسیقار گھرانے میں پیدا ہوئیں اور نو سال کی عمر میں فلمی کیریئر کا آغاز کیا، جس کے بعد وہ جلد ہی ایک جانی پہچانی چائلڈ اسٹار بن گئیں۔

ملکہ ترنم نے اپنے کیریئر میں ہزاروں گانے اور غزلیں گائیں اور 1965ء کی پاک بھارت جنگ کے دوران قومی نغمے بھی پیش کیے، جو آج ہماری قومی تاریخ کا اہم حصہ سمجھے جاتے ہیں۔

ان کی خدمات کو سراہتے ہوئے حکومت پاکستان نے انہیں صدارتی تمغہ برائے حسن کارکردگی اور نشان امتیاز سے نوازا۔

ملکہ ترنم نور جہاں 23 دسمبر 2000ء کو انتقال کر گئیں، مگر ان کی آواز اور گانے آج بھی مداحوں کے دلوں میں زندہ ہیں۔