کراچی: سونے کی قیمت میں تاریخی اضافہ، فی تولہ 4 لاکھ 70 ہزار روپے تک پہنچ گئی

news-banner

کاروبار - 23 دسمبر 2025

کراچی: سونے کی قیمت میں اضافہ کا سلسلہ جاری ہے اور آج بھی فی تولہ سونے کی قیمت میں ہزاروں روپے کا بڑا اضافہ ریکارڈ کیا گیا ہے۔

 

آل پاکستان جیمز اینڈ جیولرز ایسوسی ایشن کے مطابق فی تولہ سونا 8,500 روپے مہنگا ہو کر 4 لاکھ 70 ہزار 862 روپے تک پہنچ گیا ہے۔

 

 ایسوسی ایشن نے بتایا کہ 10 گرام سونے کی قیمت میں بھی 7,288 روپے کا اضافہ ہوا ہے، جس کے بعد یہ پہلی بار 4 لاکھ 3 ہزار 688 روپے تک پہنچ گئی۔

 

عالمی مارکیٹ میں سونے کی قیمت میں بھی اضافہ دیکھا گیا ہے، جو 85 ڈالر بڑھ کر 4,485 ڈالر فی اونس ہو گئی ہے۔

 

 یاد رہے کہ گزشتہ روز بھی فی تولہ سونے کی قیمت میں 6,200 روپے کا اضافہ ہوا تھا۔