پاکستان کے زرمبادلہ کے ذخائر تاریخ کی بلند ترین سطح پر، بین الاقوامی ایجنسیاں معیشت کی تعریف کر رہی ہیں

پاکستان کے زرمبادلہ کے ذخائر تاریخ کی بلند ترین سطح 21.1 بلین ڈالر تک پہنچ گئے ہیں اور بین الاقوامی ادارے پاکستانی معیشت میں بہتری کا اعتراف کر رہے ہیں۔

انٹرنیشنل ریٹنگ ایجنسیاں گیلپ اور ڈی اینڈ بی نے صارفین کے اعتماد میں 19 فیصد اضافے کی تصدیق کی ہے، جسے معیشت میں اصلاحات اور مستحکم مالیاتی اقدامات کا نتیجہ قرار دیا گیا ہے۔

ماہرین اقتصادیات کے مطابق پاکستان نے گزشتہ 28 سے 30 ماہ کے دوران میکرواکنامک استحکام کا سفر طے کیا، بیرونی اکاؤنٹ میں درآمدات کو کنٹرول کیا اور کرنٹ اکاؤنٹ میں سرپلس حاصل کیا۔

 ایس آئی ایف سی کی سہولت کاری اور معاشی اصلاحات کی وجہ سے سرمایہ کاروں اور صارفین کا اعتماد بڑھا ہے۔

ماہر اقتصادیات اشفاق تولہ نے کہا کہ صارفین کا بڑھتا ہوا اعتماد حکومت اور ایس آئی ایف سی کی ٹھوس معاشی حکمت عملی کا براہِ راست نتیجہ ہے۔