سلمان خان 60 برس کے ہونے جا رہے ہیں، فٹنس اور اسٹائل سے مداحوں کو کر دیا متاثر

رواں برس ہالی ووڈ اسٹائل کے دیگر خانز یعنی شاہ رخ خان اور عامر خان کے بعد، اب تیسرے خان سلمان خان بھی اپنی 60ویں سالگرہ منانے جا رہے ہیں۔ 

سلمان خان کی سالگرہ 27 دسمبر کو ہے، لیکن حیران کن طور پر اس موقع پر کسی بڑے اہتمام یا خصوصی تقریبات کی خبریں سامنے نہیں آئیں، جیسا کہ اس سال عامر خان اور شاہ رخ خان کے لیے دیکھی گئیں۔

تاہم سلمان خان نے اس موقع پر سوشل میڈیا پر اپنی فٹنس اور اسٹائل سے مداحوں کی توجہ حاصل کی۔ 

انہوں نے جم میں لی گئی کچھ تصاویر شیئر کیں، جن میں وہ بلیک بنیان اور نیلے شارٹس میں چست اور مضبوط جسمانی ساخت کے ساتھ نظر آئے۔ 

انہوں نے کیپشن میں لکھا کہ وہ امید کرتے ہیں کہ 60 برس کی عمر میں بھی وہ ایسے ہی نظر آئیں۔