امریکی سپریم کورٹ نے صدر ٹرمپ کی شکاگو میں نیشنل گارڈ تعینات کرنے کی درخواست مسترد کر دی

امریکی سپریم کورٹ نے صدر ڈونلڈ ٹرمپ کی درخواست مسترد کر دی جس میں وہ شکاگو میں نیشنل گارڈ تعینات کرنا چاہتے تھے۔

 عدالت نے واضح کیا کہ صدر قانونی شرائط کے بغیر نیشنل گارڈ کو وفاقی حیثیت میں نہیں لا سکتے۔

واضح رہے کہ شکاگو کی ضلعی عدالت کے جج اپریل پیری نے 10 اکتوبر کو عارضی حکم نامہ جاری کرتے ہوئے نیشنل گارڈ کی تعیناتی روک دی تھی۔

 اس کے بعد وزارت انصاف نے ضلعی عدالت کے فیصلے کے خلاف سپریم کورٹ میں اپیل دائر کی تھی۔

صدر ٹرمپ نے شکاگو اور پورٹ لینڈ میں فوجی دستے بھیجنے کا حکم دیا تھا، ان کا موقف تھا کہ یہ شہر بدامنی، جرائم اور پرتشدد احتجاج کا شکار ہیں، تاہم ڈیموکریٹ میئرز، گورنرز اور دیگر ناقدین نے انہیں اختیارات کے ناجائز استعمال کا الزام دیا۔