ٹینس اسٹار وینس ولیمز نے اطالوی اداکار آندریا پریٹی سے شادی کر لی

امریکی ٹینس اسٹار وینس ولیمز نے فلوریڈا کے پام بیچ میں اطالوی اداکار، ماڈل اور ڈیزائنر آندریا پریٹی سے شادی کر لی۔

 شادی کی تقریبات چھ روز تک جاری رہیں اور اس دوران خاندان اور قریبی دوستوں نے شرکت کی۔

وینس ولیمز کے مطابق ان کی بہن سرینا ولیمز نے شادی کے موقع پر قیمتی یاٹ بطور تحفہ دیا اور کشتی پر عشائیہ کا انتظام بھی کیا، جس میں 10 سے 12 خاندان کے افراد اور دوست شامل تھے۔

 جوڑے نے شادی کے بعد ایک ہفتہ بھر خوب لطف اٹھایا۔

واضح رہے کہ وینس ولیمز اور آندریا پریٹی کی ملاقات 2024 میں میلان کے ایک فیشن شو کے دوران ہوئی تھی جبکہ جولائی میں ان کی منگنی کی تقریب بھی ہوئی تھی۔

 شادی کے موقع پر سرینا ولیمز نے اپنی بہن کے لیے محبت بھرا پیغام بھی شیئر کیا۔