شہناز گل نے پاکستانی ڈرامے کے او ایس ٹی ’میری زندگی ہے تو‘ پر پرفارم کر کے مداحوں کے دل جیت لیے

بھارتی شوبز انڈسٹری کی معروف اداکارہ، ماڈل اور میزبان شہناز گل نے بگ باس 13 میں شرکت کے بعد سوشل میڈیا پر غیر معمولی شہرت حاصل کی۔

 مرحوم اداکار سدھارتھ شکلا کے ساتھ ان کی آن سکرین کیمسٹری نے انہیں خاص مقام دلایا اور آج بھی یہ جوڑی مداحوں کے دلوں میں زندہ ہے۔

اب شہناز گل بالی ووڈ کی مقبول اداکاراؤں میں شمار ہوتی ہیں اور انسٹاگرام پر ان کے فالوورز کی تعداد 19.3 ملین سے تجاوز کر چکی ہے۔ 

وہ فلموں، میوزک ویڈیوز اور مختلف ڈیجیٹل پراجیکٹس میں متواتر جلوہ گر رہتی ہیں۔

حال ہی میں انہوں نے ایک ویڈیو شیئر کی جس میں وہ پاکستان کے مقبول ڈرامے کے او ایس ٹی ’میری زندگی ہے تو‘ پر پرفارم کرتی نظر آئیں۔

 ویڈیو کے ساتھ شہناز نے کیپشن میں لکھا کہ وہ اس گانے کی دیوانی ہیں اور اس سے خود سے بھی زیادہ محبت کرتی ہیں۔

 دلچسپ بات یہ ہے کہ او ایس ٹی کو معروف پاکستانی گلوکار عاصم اظہر نے گایا ہے اور انہوں نے بھی شہناز کی ویڈیو پر تبصرہ کر کے گانے کی تعریف کی۔

سوشل میڈیا پر مداحوں نے اس ویڈیو اور گانے کو بے حد سراہا، اور پاکستانی و بھارتی صارفین دونوں نے شہناز گل کے اس انداز کو خوب پسند کیا۔