2025 کے بہترین اسمارٹ فونز: فولڈیبل اور روایتی فونز میں Xiaomi اور Oppo کی شاندار پیشکش

جدید اسمارٹ فونز کی دنیا میں عام طور پر Galaxy اور iPhone کو اولین ترجیح دی جاتی ہے، لیکن 2025 میں چین کے برانڈز Xiaomi اور Oppo نے بھی بھرپور مقابلہ کیا اور کئی پہلوؤں میں Apple اور Samsung کو پیچھے چھوڑا۔

سال کے ٹاپ اسمارٹ فونز:

Honor Magic V5:

یہ فولڈیبل فون پتلا، ہلکا، پریمیم مٹیریل سے تیار اور مضبوط ہنچ کے ساتھ آتا ہے۔

 دونوں ڈسپلے بڑے، تیز اور فیچرز سے بھرپور ہیں، جن میں اسٹائلس سپورٹ اور Dolby Vision شامل ہے، جبکہ بہترین اسٹیریو اسپیکرز ملٹی میڈیا کے تجربے کو مزید شاندار بناتے ہیں۔

Apple iPhone 17 Pro Max:

یہ فون ایلومینیم باڈی کے ساتھ آیا ہے جس نے وزن اور کارکردگی بہتر کی لیکن مضبوطی متاثر ہوئی، اور اس پر خراشیں آسانی سے لگ سکتی ہیں۔

 پشت پر شیشے اور دھات کا ملا جلا استعمال اس آئی فون کو کم پسند کیے جانے والے ماڈلز میں شامل کرتا ہے۔

Xiaomi 15 Ultra:

یہ فون منفرد ڈیزائن اور بہترین ڈسپلے کے لیے جانا جاتا ہے، جس میں p1440 LTPO OLED اسکرین، 12-bit کلر ڈیپتھ، 120Hz ریفریش ریٹ اور Dolby Vision سپورٹ شامل ہیں، جو دیکھنے کے تجربے کو لاجواب بناتے ہیں۔

Samsung Galaxy S25 Ultra:

یہ نان فولڈ ایبل ماڈل توقعات کے مطابق بہتر اور مضبوط ہے، بیٹری ٹائمنگ شاندار، ڈسپلے اچھا، اور اسٹائلس کے لیے بہترین انتخاب ہے۔

Oppo Find N5:

یہ فولڈیبل فون جدید Snapdragon 8 Elite چپ سیٹ، پتلا ڈیزائن، بڑی Si/C بیٹری اور شاندار ہنچ سسٹم کے ساتھ آیا ہے۔ اس کا کیمرا سسٹم بھی بہت طاقتور اور ہمہ جہت ہے۔