بھارت میں لسٹ اے میچ میں 574 رنز، پچ اور بولنگ پر سوالات

بھارت کے لسٹ اے ڈومیسٹک ٹورنامنٹ ’وجے ہزارے ٹرافی‘ میں بہار کی ٹیم نے ارونا چل پردیش کے خلاف 50 اوورز میں 6 وکٹوں کے نقصان پر شاندار 574 رنز بنائے، جو لسٹ اے کرکٹ میں سب سے بڑا اسکور ہے۔

انڈر 19 ایشیا کپ کے اسٹار ویبھاؤ سوریا ونشی نے 84 گیندوں پر 190 رنز کی شاندار اننگز کھیل کر لسٹ اے میں سب سے تیز 150 رنز بنانے کا اعزاز حاصل کیا۔

 اے لوہاروکا نے 56 گیندوں پر 116 رنز بنائے جبکہ کپتان ایس غنی 40 گیندوں پر 128 رنز بنا کر ناقابل شکست رہے۔ بہار کی ٹیم نے مجموعی طور پر 38 چھکے اور 49 چوکے لگائے۔

رنز کے اس ریکارڈ انبار پر جہاں کھلاڑیوں کی تعریف ہو رہی ہے، وہیں سابق کھلاڑی اور شائقین نے پچ اور بولرز کی قابلیت پر سوالات اٹھائے ہیں۔