معمولی تلخ کلامی پر کرسمس کی خوشیوں میں مبتلا نوجوان فائرنگ کا شکار، جاں بحق

ایک افسوسناک واقعے میں سفاک ملزمان نے معمولی تلخ کلامی پر کرسمس منانے والے گھر پر فائرنگ کر کے نوجوان کو موت کے گھاٹ اتار دیا۔

پولیس کے مطابق مقتول سرفراز مسیح نامی شہری مسیحی برادری سے تعلق رکھتے تھے اور اپنی چھت پر کرسمس کی تیاری کر رہے تھے، کہ اوباش ملزمان نے ان پر فائرنگ کر دی۔ 

زخمی سرفراز کو فوری طور پر ٹی ایچ کیو ہسپتال منتقل کیا گیا، تاہم وہ زخموں کی تاب نہ لاتے ہوئے راستے میں ہی جاں بحق ہو گئے۔

مقتول کے اہل خانہ نے بتایا کہ ملزمان آزادانہ فائرنگ کرتے ہوئے موقع سے فرار ہو گئے۔

 اہل خانہ نے ٹی ایچ کیو ہسپتال کے باہر احتجاجی مظاہرہ کیا اور قاتلوں کی جلد گرفتاری کا مطالبہ کیا۔

پولیس نے بتایا کہ سرفراز مسیح 3 کمسن بچوں کے والد تھے اور مقدمہ درج کر کے ملزمان کی تلاش شروع کر دی گئی ہے۔