ملک بھر میں شدید سردی کی لہر، شمالی علاقوں میں درجہ حرارت نقطہ انجماد سے نیچے

news-banner

تازہ ترین - 26 دسمبر 2025

ملک کے بیشتر حصوں میں سردی کی شدت بدستور برقرار ہے، جبکہ شمالی علاقوں میں درجہ حرارت نقطہ انجماد سے بھی نیچے گر گیا ہے۔ 

 

لہہ میں درجہ حرارت منفی 10 ڈگری سینٹی گریڈ ریکارڈ کیا گیا، استور میں منفی 6 اور گوپس میں منفی 5 ڈگری رہا۔

 

 اسی طرح سکردو، ہنزہ اور قلات میں منفی 4 جبکہ کالام، گلگت، کوئٹہ اور دیر میں منفی 3 ڈگری سینٹی گریڈ ریکارڈ کیا گیا۔

 

محکمہ موسمیات کے مطابق آج بھی ملک کے بیشتر علاقوں میں موسم سرد اور خشک رہے گا۔ 

 

تاہم شمالی علاقہ جات اور بلوچستان کے وسطی و جنوبی اضلاع میں مطلع جزوی ابر آلود رہنے کی پیش گوئی کی گئی ہے، جبکہ پنجاب اور بالائی سندھ کے میدانی علاقوں میں دھند پڑنے کا امکان ظاہر کیا گیا ہے۔