ٹیسٹ سیریز میں نازیبا ریمارکس پر جسپریت بمرا اور رشبھ پنت کی ٹیمبا باووما سے معذرت

ٹیسٹ سیریز کے دوران جنوبی افریقا کے کپتان ٹیمبا باووما کے بارے میں نازیبا الفاظ استعمال کرنے کے معاملے پر بھارتی کرکٹرز جسپریت بمرا اور رشبھ پنت نے ان سے معذرت کر لی ہے۔

 اس واقعے کے بعد سوشل میڈیا پر خاصی بحث دیکھنے میں آئی، تاہم انٹرنیشنل کرکٹ کونسل نے بھارتی کھلاڑیوں کے خلاف کوئی تادیبی کارروائی نہیں کی۔

اس حوالے سے ٹیمبا باووما نے بتایا کہ انہیں اندازہ تھا کہ بھارتی کھلاڑیوں نے اپنی زبان میں ان کے بارے میں کچھ کہا تھا، جس کے بعد دو سینئر کھلاڑی ان کے پاس آئے اور معافی مانگی۔

باووما کے مطابق معذرت کے وقت انہیں مکمل طور پر معلوم نہیں تھا کہ اصل معاملہ کیا ہے، بعد ازاں انہوں نے اپنی ٹیم کے میڈیا مینیجر سے تصدیق کر کے صورتحال کی وضاحت حاصل کی۔