ایس آئی ایف سی کی معاشی اصلاحات کے مثبت اثرات، پاکستان کی صنعتی پیداوار میں اضافہ

ایس آئی ایف سی کی دانشمندانہ معاشی اصلاحات کے مثبت نتائج سامنے آ رہے ہیں۔

 پاکستان کی مستحکم معاشی بنیادیں اور صنعتی ترقی قومی خوشحالی اور سرمایہ کاری کے روشن مواقع کی نوید دے رہی ہیں۔ 

صنعتی پیداوار میں اضافہ قیمتی زرمبادلہ، وسیع روزگار اور معاشی خودمختاری کی جانب اہم سنگِ میل ہے۔

پاکستان بیورو آف اسٹیٹسٹکس کے مطابق بڑے پیمانے کی صنعتوں میں مسلسل دوسرے مہینے نمایاں اور حوصلہ افزا بہتری دیکھی گئی ہے۔

 اکتوبر 2025 میں لارج اسکیل مینوفیکچرنگ کی سال بہ سال شرح نمو 8.3 فیصد ریکارڈ کی گئی، جو صنعتی سرگرمیوں میں نمایاں تیزی کی عکاسی کرتی ہے۔

جولائی تا اکتوبر 2025 کے دوران لارج اسکیل مینوفیکچرنگ میں 5.02 فیصد مستحکم اضافہ ہوا جبکہ آٹوموبائل سیکٹر میں 78.89 فیصد سے زائد غیر معمولی شرح نمو نے سرمایہ کاروں اور صنعتکاروں کے اعتماد میں نمایاں بحالی دکھائی۔

برآمدی طلب میں اضافے کے باعث اکتوبر میں گارمنٹس کی پیداوار 10.99 فیصد تک پہنچ گئی۔

 پیٹرولیم مصنوعات کی پیداوار میں 12.25 فیصد اضافہ ریکارڈ کیا گیا، جس میں ڈیزل، جیٹ فیول اور ایل پی جی کی پیداوار میں بھی نمایاں تیزی دیکھی گئی۔