لکی مروت اور بنوں میں فائرنگ کے واقعات، چار پولیس اہلکار شہید

لکی مروت اور بنوں میں نامعلوم موٹر سائیکل سواروں کی فائرنگ کے نتیجے میں چار پولیس اہلکار شہید ہوگئے۔

لکی مروت میں ٹریفک پولیس اہلکار ڈیوٹی پر موجود تھے کہ نامعلوم افراد نے ان پر فائرنگ کر دی۔

 شہید ہونے والوں میں انچارج ٹریفک پولیس نورنگ جلال خان، پولیس کانسٹیبل عزیز اللہ اور پولیس کانسٹیبل عبداللہ شامل ہیں۔

واقعے کی اطلاع ملتے ہی پولیس کی بھاری نفری موقع پر پہنچ گئی، شہید اہلکاروں کی لاشیں نورنگ ہسپتال منتقل کر دی گئیں جبکہ علاقے کو گھیرے میں لے کر سرچ آپریشن شروع کر دیا گیا۔

دوسری جانب بنوں کے تھانہ منڈان کی حدود کفشی خیل میں پولیس اہلکار رشید خان بھی موٹر سائیکل سوار حملہ آوروں کی فائرنگ سے شہید ہوگیا۔

پولیس ترجمان کے مطابق بنوں ریجن میں محض چار گھنٹوں کے دوران چار پولیس اہلکار شہید ہوئے ہیں۔