شکارپور اور خانپور میں فائرنگ کے دو واقعات، خاتون سمیت دو افراد جاں بحق

اندورنِ سندھ کے اضلاع شکارپور اور خانپور میں پیش آنے والے فائرنگ کے دو الگ الگ واقعات میں خاتون سمیت دو افراد جان سے ہاتھ دھو بیٹھے۔

پولیس کے مطابق پہلا واقعہ شکارپور کے علاقے ناپر کوٹ تھانے کی حدود میں پیش آیا، جہاں سیاہ کاری کے الزام پر ایک شخص نے اپنی بیوی کو گولی مار کر قتل کر دیا۔

 واردات کے بعد ملزم موقع سے فرار ہو گیا، جس کی تلاش کے لیے پولیس نے کارروائی شروع کر دی ہے۔

دوسرا واقعہ خانپور کے علاقے عبدالحق بڈانی میں پیش آیا، جہاں مسلح افراد کی فائرنگ سے ایک شخص موقع پر ہی جاں بحق ہو گیا۔

 پولیس کا کہنا ہے کہ یہ واقعہ بڈانی گروپوں کے درمیان دیرینہ دشمنی کا نتیجہ ہے۔

پولیس نے دونوں واقعات میں جاں بحق ہونے والے افراد کی لاشیں تحویل میں لے کر پوسٹ مارٹم کے لیے قریبی اسپتال منتقل کر دیں، جبکہ ملزمان کی گرفتاری کے لیے مختلف مقامات پر چھاپے مارے جا رہے ہیں۔