سونے اور چاندی کی قیمتیں عالمی اور مقامی مارکیٹ میں تاریخ کی نئی بلندیوں پر

کاروبار - 12 جنوری 2026

عالمی اور مقامی مارکیٹوں میں سونے اور چاندی کی قیمتیں مسلسل بڑھتی رہیں اور تاریخ کی نئی بلند سطحوں کو چھو گئیں۔

بین الاقوامی بلین مارکیٹ میں فی اونس سونے کی قیمت 77 ڈالر کے اضافے کے ساتھ 4,586 ڈالر تک پہنچ گئی۔

مقامی سطح پر، فی تولہ سونے کی قیمت میں 7,700 روپے کا اضافہ ہوا اور یہ 4,80,962 روپے پر بند ہوئی۔

اسی طرح، فی دس گرام سونے کی قیمت 6,602 روپے بڑھ کر 4,12,347 روپے کی سطح پر آگئی۔

چاندی کی قیمتوں میں بھی اضافہ دیکھا گیا، فی تولہ چاندی کی قیمت 430 روپے بڑھ کر 8,895 روپے پر اور فی دس گرام چاندی کی قیمت 369 روپے کے اضافے کے بعد 7,626 روپے کی نئی سطح پر پہنچ گئی۔