شوگر سیکٹر کی ڈی ریگولیشن: آئی ایم ایف کی ڈیڈ لائن قریب

اسلام آباد: آئی ایم ایف نے پاکستان کے شوگر سیکٹر کی ڈی ریگولیشن کے لیے مقرر کردہ ڈیڈ لائن قریب آ گئی ہے، لیکن صوبائی حکومتوں کی غیر تعاون کے باعث پیش رفت کم رہی ہے۔

ذرائع کے مطابق وزارتِ صنعت و پیداوار کی درخواست کے باوجود صوبوں نے لازمی قانون سازی مکمل نہیں کی۔

 آئی ایم ایف نے مارچ 2026 تک ڈی ریگولیشن کا ہدف مقرر کیا ہے، اور حکومت کو جون 2026 تک شوگر سیکٹر سے مکمل طور پر نکلنا ہوگا۔ 

تاہم اکتوبر 2025 میں تیار کردہ تجاویز پر اب تک خاطر خواہ پیشرفت نہیں ہوئی۔

وفاقی حکومت نے صوبائی اسمبلیوں کو خطوط لکھے، مگر خیبرپختونخوا، پنجاب اور سندھ نے متعلقہ سمری وفاق کو فراہم نہیں کی۔

ڈی ریگولیشن کے بعد کسان آزاد ہوں گے کہ وہ گنا کاشت کریں یا نہ کریں اور انہیں ملک بھر کی تمام شوگر ملوں کو گنا فروخت کرنے کا حق حاصل ہوگا۔ 

حکومت گنے کی نقصان دہ اقسام کی فہرست جاری کرے گی۔

مزید یہ کہ ڈی ریگولیشن کے بعد نئی شوگر ملز کے قیام پر کوئی پابندی نہیں ہوگی، چینی کی برآمد پر پابندی ختم ہوگی اور چینی یا اس کے خام مال کی درآمد پر کوئی پابندی یا ٹیرف نہیں ہوگا۔