سونے کی قیمت تاریخ میں پہلی بار 5 لاکھ روپے سے تجاوز کر گئی

news-banner

کاروبار - 21 جنوری 2026

کراچی: سونے کی قیمتیں ایک بار پھر عالمی اور مقامی مارکیٹوں میں تاریخ کی بلند ترین سطح پر پہنچ گئی ہیں۔

 

بین الاقوامی بلین مارکیٹ میں فی اونس سونے کی قیمت میں 127 ڈالر کا اضافہ ریکارڈ کیا گیا، جس کے نتیجے میں نئی عالمی قیمت 4,840 ڈالر فی اونس تک پہنچ گئی۔

 

مقامی صرافہ بازاروں میں 24 قیراط کے فی تولہ سونے کی قیمت 12,700 روپے کے اضافے کے بعد پہلی بار 5,06,362 روپے تک جا پہنچی، جبکہ فی 10 گرام سونے کی قیمت 10,888 روپے بڑھ کر 4,34,123 روپے ہو گئی۔

 

ملک میں چاندی کی قیمت بھی بڑھ گئی اور فی تولہ کی قیمت 64 روپے کے اضافے کے بعد پہلی بار 9,933 روپے کی بلند سطح پر پہنچ گئی۔