ایران میں دشمنوں کو معلومات فراہم کرنے کے الزام میں 500 افراد گرفتار

تہران میں ایران کے پولیس چیف احمد رضا نے اعلان کیا ہے کہ ملک میں دشمنوں کو معلومات فراہم کرنے کے الزام میں 500 افراد کو گرفتار کیا گیا ہے۔

 ان کے مطابق گرفتار ملزمان میں سے نصف پر ایسے سنگین الزامات ہیں جن میں افراد نے حملوں کے لیے معلومات فراہم کیں یا حملے کے مقامات کی ویڈیوز بنا کر بھیجیں۔

ایرانی میڈیا نے مختلف علاقوں میں متعدد گرفتاریوں کی اطلاع دی، جبکہ تسنیم نیوز ایجنسی کے مطابق صوبائی پراسیکیوٹر کے الزامات پر 20 افراد کو گرفتار کیا گیا جن پر ایران کے فوجی اور سکیورٹی اثاثوں کے مقامات اسرائیل کو بھیجنے کا الزام تھا۔

 دیگر ذرائع کے مطابق 10 افراد پر حساس مقامات اور اقتصادی انفراسٹرکچر سے متعلق معلومات جمع کرنے کے الزامات ہیں۔