نشو بیگم اپنی بیٹی صاحبہ سے مل کر آبدیدہ

پاکستانی فلموں کی سینئر اداکارہ نشو بیگم اپنی بیٹی اداکارہ صاحبہ سے مل کر جذباتی ہو گئیں۔ 

ماں بیٹی کی یہ ملاقات سوشل میڈیا صارفین کی توجہ کا مرکز بن گئی۔

نشو بیگم اپنی بے باک شخصیت، خوبصورتی اور ماضی کی ہٹ فلموں و گانوں میں شاندار اداکاری کے لیے جانی جاتی ہیں۔ 

وہ ایک فعال ڈیجیٹل کریئیٹر بھی ہیں اور اکثر اپنی ذاتی زندگی کی جھلکیاں سوشل میڈیا پر شیئر کرتی رہتی ہیں۔

رواں سال جنوری میں نشو بیگم اور صاحبہ دوبارہ ملیں، تاہم کراچی میں مصروف شوٹنگ شیڈول کی وجہ سے بار بار ملاقات ممکن نہیں تھی۔

عید سے قبل صاحبہ لاہور واپس آئیں اور اپنی والدہ سے افطاری پر ملیں۔ 

اس موقع پر نشو بیگم نے مختصر وی لاگ اپنے یوٹیوب چینل پر شیئر کیا۔

ویڈیو میں نشو بیگم نے کہا: “میں تمہیں پکڑ کر بیٹھوں گی تاکہ تم مجھے چھوڑ کر نہ جاؤ، کیونکہ جو تنہائی اور جدائی میں نے محسوس کی، میں دوبارہ وہ برداشت نہیں کرنا چاہتی۔

 تم لاہور سے جاتی ہو مگر میرے دل میں ہمیشہ رہتی ہو۔

 آج تم میرے ساتھ افطاری کے لیے واپس آئی ہو، یہ خوشی کے آنسو ہیں۔ 

میں اللہ کا شکر ادا کرتی ہوں کہ میرے بچے میرا خیال رکھتے ہیں۔”

بعد ازاں ماں اور بیٹی نے ایک دوسرے سے دل کی باتیں بھی کیں، اور صاحبہ نے بچپن کے دن یاد کرتے ہوئے بتایا کہ والدہ نے ہمیشہ میری بھرپور دیکھ بھال کی۔ 

نشو بیگم نے صاحبہ کی اداکاری کی بھی تعریف کی، خاص طور پر ڈرامہ سیریل نیلی کوٹھی میں ان کی کارکردگی کی سراہنا کی۔