نیتن یاہو نے متعدد امریکی صدور سے ایران پر حملے کی درخواستیں کیں: سابق وائٹ ہاؤس چیف

سابق وائٹ ہاؤس چیف آف اسٹاف راہم ایمینوئل نے انکشاف کیا ہے کہ اسرائیلی وزیراعظم نیتن یاہو نے بل کلنٹن، جارج بش، باراک اوباما اور جو بائیڈن سمیت ہر امریکی صدر سے ایران کے خلاف بڑی فوجی کارروائی کی درخواستیں کی تھیں۔

راہم ایمینوئل کے مطابق ہر صدر نے اسرائیلی درخواست پر ایران کے خلاف ممکنہ جنگ کے خطرات کا بغور جائزہ لیا اور فیصلہ کیا کہ یہ امریکی قومی مفاد میں نہیں ہے۔

 انہوں نے واضح کیا کہ صدر کی ذمہ داری ہے کہ وہ فوجیوں کی جانوں اور قومی مفادات کے حوالے سے حتمی فیصلہ کرے، اور کسی اور کو الزام دینا غیر معقول ہے۔

ایمنوئل نے مزید بتایا کہ نیتن یاہو کی درخواستوں کے باوجود تمام صدور نے محتاط موقف اختیار کیا، جس سے یہ ظاہر ہوتا ہے کہ امریکہ کا آئینی نظام صدر کو کمانڈر ان چیف کے طور پر مکمل اختیار دیتا ہے۔