اسلام آباد امن مذاکرات: پاکستان ایرانی وفد کی شرکت کی تصدیق کا منتظر ہے، عطا تارڑ

وفاقی وزیر برائے اطلاعات و نشریات عطا تارڑ نے کہا ہے کہ اسلام آباد امن مذاکرات کے حوالے سے ایران کی جانب سے وفد کی شرکت کی باضابطہ تصدیق کا انتظار تا حال جاری ہے۔

 عطا تارڑ نے کہا کہ پاکستان بطور ثالث ایران کے ساتھ مسلسل رابطے میں ہے اور سفارت کاری اور مذاکرات کے راستے کو آگے بڑھانے کے لیے سرگرم ہے۔

 عطا تارڑ نے بتایا کہ موجودہ جنگ بندی بدھ 22 اپریل کی صبح 4 بج کر 50 منٹ پر ختم ہو رہی ہے لہٰذا ایران کا مذاکرات میں شرکت سے متعلق فیصلہ جنگ بندی کے اختتام سے قبل انتہائی اہمیت کا حامل ہے۔ 

انہوں نے مزید کہا کہ پاکستان نے ایرانی قیادت کو مذاکرات کے دوسرے دور میں شرکت پر آمادہ کرنے کے لیے مخلصانہ کوششیں کی ہیں اور یہ سفارتی کوششیں بدستور جاری ہیں۔