سہیل آفریدی نے تماشہ لگا کر عوام کو راغب کرنے کی کوشش کی، فیصل راٹھور

وزیراعظم آزاد کشمیر فیصل ممتاز راٹھور نے کہا ہے کہ وزیر اعلیٰ خیبر پختونخوا سہیل آفریدی نے ماضی کی روایات کے مطابق تماشہ لگا کر اور گالم گلوچ کرکے عوام کو راغب کرنے کی کوشش کی ۔

 وزیر اعلیٰ سہیل آفریدی کے الزامات پر وزیراعظم آزادکشمیر نے صحافیوں سے گفتگو میں ردعمل دیتے ہوئے کہا کہ ہم نے سہیل آفریدی کی سوچ سے بڑھ کر مثبت رویہ اپنایا۔ ہم نے انہیں جلسہ کے لیے من پسند جگہ فراہم کی۔

 انہوں نے کہا کہ سہیل آفریدی نے اپنی ماضی کی روایت کی طرح تماشہ لگا کر لوگوں کا رجحان اپنی طرف کرنے کی کوشش کی ۔ انہوں نے کہا کہ جب عوام سے رسپانس نہیں ملا تو گالم گلوچ اور شور شرابہ کر کے لوگوں کو راغب کرنے کو کوشش کی۔

 انہوں نے کہا کہ مجھے پی ٹی آئی قیادت اور سہیل آفریدی کے رویے پر افسوس ہے۔