حکومت نے سونے کی درآمد و برآمد پر عائد پابندی ختم کرنے کا نوٹیفکیشن جاری کردیا

وفاقی حکومت نے سونے کی درآمد اور برآمد پر عائد پابندی ختم کر دی ہے۔ 

کابینہ کی منظوری کے بعد وزارتِ تجارت نے پابندی اٹھانے کا باضابطہ نوٹیفکیشن جاری کیا۔

نوٹیفکیشن کے مطابق سونے کی عالمی تجارت سے متعلق معطل شدہ ایس آر او کو بحال کر دیا گیا ہے۔

 حکومت نے قیمتی دھاتوں اور زیورات کی درآمد و برآمد کے حوالے سے کچھ ترامیم بھی متعارف کرائی ہیں، تاہم موجودہ فریم ورک برقرار رہے گا۔ اس فریم ورک کو مزید شفاف اور خودکار بنانے کے لیے اقدامات جاری رہیں گے۔

واضح رہے کہ مئی 2025 میں سونے کی اسمگلنگ کے خدشات کے باعث حکومت نے درآمد اور برآمد پر پابندی عائد کی تھی، جب کہ 6 مئی کو وزارتِ تجارت نے سونے کی تجارت کو منظم کرنے والا ایس آر او 60 دن کے لیے معطل کیا تھا۔