نائیجیریا کے کیتھولک اسکول پر بڑا حملہ،227 سے زائد طلبہ و اساتذہ اغوا

نائیجیریا میں ایک اور بڑے پیمانے پر اغوا کا واقعہ پیش آیا ہے جہاں شمال مغربی علاقے میں واقع ایک کیتھولک اسکول سے 227 سے زائد طلبہ کو مسلح افراد زبردستی اپنے ساتھ لے گئے۔

غیر ملکی خبر رساں اداروں کے مطابق یہ واقعہ جمعہ کی صبح پیش آیا اور یہ 2024 کے بعد طلبہ کے اغوا کا سب سے بڑا واقعہ قرار دیا جا رہا ہے۔ اس سے قبل کدانا ریاست میں تقریباً 200 طلبہ کو اغوا کیا گیا تھا۔

کرسچن ایسوسی ایشن آف نائیجیریا نے واقعے کی تصدیق کرتے ہوئے بتایا کہ حملے کے وقت کچھ طلبہ موقع ملنے پر فرار ہونے میں کامیاب ہوئے، تاہم بڑی تعداد میں بچوں کو اغوا کرلیا گیا۔

 ایسوسی ایشن کے چیئرمین کے مطابق ان کے ریکارڈ کے مطابق 215 طلبہ اور 12 اساتذہ کو لے جایا گیا ہے۔

پولیس اور مقامی حکام نے بھی سینٹ میری اسکول سے طلبہ و اساتذہ کے اغوا کی تصدیق کردی ہے اور علاقے میں سرچ آپریشن جاری ہے۔