ڈی جی آئی ایس پی آر: پاکستان کا مسئلہ افغان عوام نہیں بلکہ افغانستان کی ریاستی پالیسیز ہیں

ڈی جی آئی ایس پی آر لیفٹیننٹ جنرل احمد شریف چوہدری نے کہا ہے کہ پاکستان کا مسئلہ افغانستان کی ریاستی پالیسیوں سے ہے، وہاں کے عوام سے نہیں۔

 انہوں نے واضح کیا کہ پاکستان جب بھی افغان سرزمین پر موجود دہشتگردوں کے خلاف کارروائی کرتا ہے تو اس کا پہلے باضابطہ اعلان کرتا ہے۔

منگل کو میڈیا سے غیر رسمی گفتگو میں ڈی جی آئی ایس پی آر نے کہا کہ پاکستان اپنے شہریوں اور سرحدوں کے تحفظ کے لیے ہر حد تک جائے گا اور دہشتگردوں کا پیچھا آخری دم تک کیا جائے گا۔ 

انہوں نے یقین دلایا کہ دہشتگردوں کے خلاف کارروائیاں بھرپور انداز میں جاری رہیں گی۔

انہوں نے مزید کہا کہ خطے میں امن و استحکام کے لیے پاکستان اپنی ذمہ داریاں پوری کرے گا اور دہشتگردی کے خلاف جنگ قومی سلامتی کی اولین ترجیح ہے۔